الحديقة اليابانية أو حديقة طوكيو بحلوان
في هذه المراجعة سنتعرف أكثر على الحديقة اليابانية بحلوان، مساحات خضراء واسعة ومناظر جمالية ومكان واسع ومفتوح لجلسات الأسرة وألعاب للأطفال، سعر تذكرة الحديقة اليابانية بحلوان، ومواعيد العمل ومزيد من التفاصيل في المراجعة التالية
الموقع: حلوان
الأسعار: من 10 جنيه
المواعيد: من 9 صباحا : 10 مساء
الأيام: كل الأيام
الحديقة اليابانية
حديقة على الطراز الآسيوي وكان اسمها كشك الحياة الآسيوي قبل ماتتغير للحديقة اليابانية، بتقع تقريبا على 12 فدان، مليانة مساحات خضراء ومساحات واسعة، تقدر تتجمع فيها مع أسرتك وكمان أطفالك هيلاقوا فيها مساحة يلعبوا فيها بشكل مريح
الحديقة روحها حلوة وممتعة تقدر تستمتع بكل لحظة فيها برفقة أسرتك وأطفالك
سعر تذكرة الحديقة اليابانية بحلون
الحديقة فيها بحيرات وأشجار ومناظر جميلة ممتعة وكمان فيها منطقة ملاهي، تكت الحديقة 10 جنيه بس بعد كدا تقدر تدخل وتستمتع بكل مافيها باستثناء منطقة ملاهي الأطفال اللي الألعاب فيها بتكون برسوم
سعر الألعاب في الحديقة اليابانية بحلوان
سعر الملاهي (ألعاب الأطفال) في الحديقة بتبدأ من 10 جنيه وبتوصل ل35 جنيه او 40 جنيه، كمان فيه تجديف في بحيرة الحديقة اليابانية بحلوان
مسموح بدخول الأكل، فلو هتطول أفضل تجيب أكل معاك، لو مش متوفر موجود حوالين الحديقة مطاعم كويسة تقدر تجيب منها
مواصلات الحديقة اليابانية
المكان سهل جدا من عند محطة مترو حلوان هتقدر توصلها بسهولة جدا، وعنوانها بالتحديد محمد مصطفى المراغي، حلوان الشرقية، قسم حلوان
أضف تعليقك مع مراعاة الآداب العامة